عرفنا او عرفينا على نفسك

االسلام عليكم

ليوم قررت اخواني و اخواتي الاعضاء اترك هذا الموضوع بين متناول ايديكم
هو جد بسيط كل واحد فينا يكتب القليل عن حياته حتى يتسنى لنا التعرف به اكتر
و بالتالي توطد علاقتنا اكتر فاكتر

مثل :
العمر
المهنة
الهواية
طبيعتك {شخصيتك}
البلد
الولاية
متزوج/ة ام لا
الديك اطفل ام لا
و يمكن اضافة معلومات اخرى
كلما زادت المعلومات عنك ازدادت معرفتنا بك

اتمنى ان تعجبكم الفكرة
و تتفاعلوا معي

ملكة الاحساس كتب:: االسلام عليكم

ليوم قررت اخواني و اخواتي الاعضاء اترك هذا الموضوع بين متناول ايديكم
هو جد بسيط كل واحد فينا يكتب القليل عن حياته حتى يتسنى لنا التعرف به اكتر
و بالتالي توطد علاقتنا اكتر فاكتر

مثل :
العمر بين 20 و 40
المهنة بطل خارق
الهواية منتدى العربي الحر
طبيعتك {شخصيتك} مرح مرح مرح
متزوج/ة ام لا لن أجيب
الديك اطفل ام لا ها ها ها ها إذا ما جوبتش على إلي قبله حابيني إنجاوب على هذا
أ
و يمكن اضافة معلومات اخرى
كلما زادت المعلومات عنك ازدادت معرفتنا بك

اتمنى ان تعجبكم الفكرة عجبتني الفكر بزاف بزاف بزاف يعطيك الصحة ها ها ها
و تتفاعلوا معي

ها ها ها ها ها ها ها ها ها ها ها ها ها
شويه سيريوا
العمر 37
المهنة مكلف بالدراسات الشركة الوطنية لتوزيع الكهرباء والغاز عبر القنوات الوسط
معلومات اخرى
أهم هواية عندي هي البرمجة وبعدها العاب الكمبيوتر خاصة الألعاب الاستراتيجية
أشد ما أكره التبلعيط والكذب والهف والسفر

شكرا اخي فتحي على مرورك الكريم
و اظن انك جد كتوم هاهاهاها
مشكور على التفاعل

بصح أختي ملكة الاحساس المؤمن يبدا بروحوا راني نستنا بفارغ الصير ؟؟؟؟؟؟؟؟؟

اوهوه هادي حجة زينة بصح قبل مانبدا انا قةل من اي ولاية نتا؟؟؟؟
انتظر ردك
و شكرا على تفاعلك

الهواية منتديات العربي الحر

طبيعتك شخصيتك كل يوم بشيئ اذا لا استطيع الاجابة ولكن في معضم الاوقات فرح ومتفائل

البلد الجزائر

الولاية تيارت

متزوج/ة ام لا لا لا

الديك اطفل ام لا لا لست متزوجا اصلا

شكرا لك اخي عماد على تفاعلك معنا
مشكور

أولا حبيت أنسقسي خويا عماد وعلاه جاوبت على السؤال أنت متزوج أو لا بـــ - لا لا -

وحدة - لا - تكفي وعلاه زوج ها ها ها ها ها ها ها ها

امه امه امه

أنا الآن أقيم في ولاية الوادي والسخانه دايره حاله

اهاه فقت بيك يا خويا فتحي واش راك تقصد بامه امه

و شكرا لانك اخبرتنا عن ولايتك
مشكووووور

باش فقتي يا أختي ملكة الاحساس راني ما فهمت والوا ها ها ها ها ها ها

بصح أنقولك ما تروحيش بزاف بالتخمام ها ها ها إن بعض الظن إثم وأنت بعيد الشر عليك من الاثم

انا قلت لا لا لاني مازال الحال على زواج

و على فكرة انا فاني عرفت واش تقصد بامه

والان هل عرفت انها ليست امي

ونحن ننتظر تعريفك بنفسك يا اخت ملكة الاحساس

لان الاخ فتحي قال ولايته وانك من وضع الموضوع

شكرا

يا خويا عماد والله أطلعنا أنا وياك كوراج

أحنا لولاد شاركنا وجاوبنا على الموضوع

أختنا ملكة الاحساس طرحت الموضوع وراهي تتهرب من الاجابة

بلا ما نحكوا على الغائبة الكبيرة أموله الله أعلم غير شافت الموضوع عاودت غلقاتوا بالزربة ها ها ها ها ها ها ها

و الله ماراني نتهرب يا خويا فتحي
و رح نقولكم المعلومات و لكن بعد مرور امولة
ما يصير كاتب الموضوع يبدا بحالو

سامحوني على التأخير وصدقوني مشفتش الموضوع بصح رايحا نكون اكثر شجاعة ونجاوب على الاسئلة و اكثر منهههههههههههاااااااااااااااااا

العمر 18
المهنة لا اعمل

الهواية tv net
طبيعتك {شخصيتك عادية ككل الناس}
البلد الجزائر

الولاية تيارت ايضا بالمصادفة

متزوج/ة ام لا: اكيد لا

: اكيد لا الديك اطفل ام لا

و يمكن اضافة معلومات اخرى
كلما زادت المعلومات عنك ازدادت معرفتنا بك
اريد ان اضيف ان العم الجاي عندي الباك ادعولي بزاف

وان اردتم ان تطرحو اي استفسار فانا جاهزة

الضاهر ان البنات اكثر شجاعة من الاولاد اليس كذالك ملكة الاحساس
انتضر ردك كباقي الاعضاء واكثر

شكرا على الموضوع وعلى الاهتمام و السؤال و لكن انشغالاتي في البيت كثيرة
بما انني البنت الوحيدة وبعدي ولدين والاهم امي تعمل ولهذا اتاخر ولكن ليس لوقت طويل

اتمنى ان تعجبكم الفكرة
عجبتني مشكورة

و تتفاعلوا معي

على فكرة اخي فتحي انا لا اهرب من اي موضوع واضن انني قد برهنت ذالك بالجواب على الاسئلة واكثر منها
شكرا على الاهتمام والسؤال

اما بالنسبة للاخ عماد ففرحت انه ابن مدينتي
بايييييييييييي

متشرفين يا أختي أموله وربي اكون في العون وأسعدني التعرف عليك أكثر

والآن ملكة الاحساس وين راك مبقيتي غير أنتي

شكرا لمرورك الكريم اختي امولة وماتخافيش راه كاين دورة وحداخرا نتاع الاسئلة
هاهاهاهاهاها ونشوفو شكون الكوراج كتر

آآآآآآآآآآآآآآآآآآآآه يا اعضاء راكم غير تستناو فيا
بصح نزيد نحمسك و بلاك عشية ولا غدوة نقولكم
هاهاهاهاهاها

ما كاين حتى مشكل براحتك ها ها ها ها ها ها ها

راك عطيها لضحك
هاهاهاهاهاها
نتوما شباب معندكوش الجراة الكافية و تتهرب
و الدليل الاخ عماد ماقليناش شحال عمرو
اههاااااااااااااااااااااه

اواه يا جماعة ملكة الاحساس حابه تعرف كلش علينا وهي ماقالت والوا واش رايكم انديروا اضراب ومعاد حتي واحد يعطيها حتى معلومة حتان تهضر هي اللوله

لا لا علاه عليك هاك يا خويا فتحي
اذا كنت كوراج كيما قلتو
خلي الاخ عماد يقلنا عمرو
وين راه المشكل؟؟؟؟؟

و لا نتوما ماشي كوراج؟؟

وين راك خويا عماد وحللنا المشكل الكبير الي رانا واقعين فيه يا اخي ملكة الاحساس تشترط ان تعرف سنك قبل الادلاء بمعلوماتها ها ها ها ها ها انا نقول بلي خويا عماد اكون سنه بين 18 و25 لانه قال الزواج مازال بعيد بزاف ها ها ها ها

اذا اين هو عماد؟؟؟

اظن انه يتهرب هاهاهاها

ما شكيتش اختي ملكة الاحساس بلي اخونا عماد يتهرب ممكن مقراش الموضوع ولا ممكن الانترنيت مقطوعه عندوا

انا رجعت و نقولكم عمري بصح موراها ملكة الاحساس

تقول معلومات ولا شباب كوراج على البنات هههههه

راكي تشرطتي بزاف ملكة الاحساس هدا الشرط الاخير

عمري 22

الاخ فتحي جابها

نحن في انتضارك يا اخت ملكة الاحساس

شكرا